Pas reagimit të Luan Ramës për Elisa Spiropalin ka reaguar përsëri kjo e fundit. Në Facebook kreu i grupit parlamentar të LSI ka shkruar
“Por meqë zonja Spiropali tjetër gjë më shkruan kur komunikojmë miqësisht e tjetër gjë kur më shkruan “politikisht”, po publikoj vetëm statusin e saj, dhe jo çfarë më shkruan mua. Sepse nuk dua e nuk mund të abuzoj me privatësinë e kominikimit miqësor mes nesh” shkruan Luan Rama.
Ka qenë vetë Elisa Spiropali që ka komentuar tek ky status. “E sakte Luan! Privatisht une te shkruajta asgje personale, sepse privatisht ti je nje njeri miqesor si gjithe te tjeret, ndersa politikisht je maçoku me i dalluar i LSI”, ka ironizuar Spiropali.
Statusi i plotë i Spiropalit
Po postoj këtë postim të Luanit që në emër të forcës së pa(pa)rë na uron ditëlindjen e partisë duke na sharë. Është vërtetë e pa(pa)rë kjo forcë që s’ka limit në paparësinë e saj dhe Luani e mishëron atë me të gjithë maçokërinë e tij, sa herë shfaqet për t’i vënë pikat mbi “i” Sa thotë njeriu me këta, po mirë si ka mundësi, bum të habisin me një tjetër çudi dhe pa fjalë të lenë me të tyren pafytyrësi. Nuk e di si i bëhet vërtet me këta të pa(pa)rë, që edhe priftin edhe hoxhën i bëjnë me barrë, kur u preket një fije a gram lënda e parë. Po një gjë e di me siguri, që veç populli mund ta bëjë atë mrekulli, që forca e pa(pa)rë te shkojë ne shtëpi, po jo me jo, aman jo në qeveri. Luanit s’kam ç’i them, thotë ç’i thonë, ata që janë helm, ku e kanë gjithë populli e di, dhashtë Zoti t’u japë mësimin e tij�
